والد الطفلة جوري " عرفنا ان جوري تعبانة من أول يوم اتولدت فيه.. كان عندها مشكلة في عضلة القلب.. تخيل لما البيت يتصل بيك ويقولولك الحقنا جوري مش قادرة تتنفس... كانت بتمشى اربع خطوات وتقول تعبت!.. وتطلع سلم أو تلعب مع اخواتها وتقول مش قادرة اكمل"
في مستشفى الناس استقبلنا الطفلة جوري في عمر سنتين وحالتها كانت محتاجة تدخل جراحي استمر لاكتر من 6 ساعات وبفضل ربنا ثم دعمكم العملية تمت بنجاح وعدا 3 سنين والنهارده جوري بتمارس حياتها بشكل طبيعى وبتلعب مع اخواتها من غير تعب ولا ألم.. كل قصة نجاح بتتكتب بدعمكم